Click to see English version link
Бендот ја започна својата работа на почетокот на 2014 година, изведувајќи џез композиции од лидерот и тапанар Александар Цветковиќ – Драма, со Лука Игњатовиќ на алт саксофон и Александар Грујиќ на клавијатури.
Низ годините, Драма Орган Трио настапуваше во сите белградски џез клубови, како и на Jazztronic Fest во Вршац (2017) и Metropolis Jazz Fest во Белград (2018). Овој бенд го сними и издаде својот прв оригинален џез албум „Dramathology“ со 10 авторски песни на Александар Цветковиќ – Драма, а издаден за Metropolis Jazz Records во Белград (2017). На почетокот на 2019 година, на бендот му се придружи гитаристот Андреја Станковиќ, па бендот го промени своето име во Драма Орган 4 и настапуваше во сите белградски џез клубови. Кон крајот на 2019 година, контрабасистот/басистот Милан Николиќ го зазеде местото на клавијатуристот и бендот го доби сегашниот состав.
Драма Квартет во текот на 2020/21 година подготви материјал за вториот авторски џез-албум „Mindset“ со 9 авторски песни на Александар Цветковиќ – Драма, изведувајќи го во белградските џез клубови, како и на Нови Сад Џез Фестивал (2020), Белградски Џез Фестивал (2021), а истиот е објавен за Lampshade Media од Белград во 2022.
Александар Цветковиќ Драма – тапани
Лука Игњатовиќ – алт саксофон
Андреја Станковиќ – електрична и акустична гитара
Милан Николиќ – електричен бас и контрабас