INTERGALACTIC MUTANT FUNK е колектив од музичари чие што основање е поттикнато од желбата за поспонтана егзистенција, танц, слободно себеизразување и топење во грув-базирана композиција и импровизација.
Intergalactic Mutant Funk се : Ади Имери/ гитара и вокал, Дамир Имери / клавијатури и Александар ванчовски – Џигер / тапани
Дамир Имери
Еден од доајените на македонската музичка сцена, Дамир Имери, е активен музичар композитор и аранжер кој работи како тромбонист во оркестарот на Македонската Опера и Балет (МОБ) и пијанист во Џез оркестарот на МРТВ. Како џез пијанист бил дел од повеќе музички состави и има учествувано на многу џез фестивали во земјава и странство.Во својата кариера има учествувано на бројни студиски албуми меѓу кои со : Oscar Salas Quintet, Goce Stevkovski Septet, Goce Micanov, Vlatko Stefanovski&Jan Akerman итн
Ади Имери
Ади Имери е композитор, продуцент и инструменталист роден во 1986та година во Скопје, Р. Македонија. Активен е на плодната македонска и странска музичка сцена две децении како член во мулти-дисциплинарни уметнички проекти, и е ангажиран како студиски музичар, вокален солист, како и инструментален солист со институции како Македонската Филхармонија, Македонската Опера и Балет но и активно соработува со поголемиот дел од македонските поп, рок, џез и класични артисти од сите генерации. Членувал во бендови како String Forces, Bill Skins Fifth, Next to Silence, Јаболко за Даскалот, The Black & Vice Social Club, Foolish Green, Last Expedition и други, а има активна соло кариера како композитор за филм, телевизија, театар и алтернативни медиуми.
Александар Ванчовски
Александар Ванчовски е професионален тапанар и едукатор кој живее и работи во Скопје. Редовно соработува со најистакнатите музичари во Македонија и има огромно искуство во студиско снимање и настапи во живо.Во своето десетгодишно искуство како музичар, учествувал во креирањето на 14 албуми со различни бендови во кои членувал, а автор и аранжер е на 12 албуми. Во својата кариера бил дел или соработувал со многу познати бендови и артисти : BRAMHA TRIO, 3 JECT, DJOLE GRUJOVSKI QUARTET, FOOLISH GREEN, OLIVER JOSIFOVSKI TRIO, TONI KITANOVSKI, IVAN IVANOV…итн