
Cobalt Code Unit е фракција од четворијца млади музички аскети кои неуморно талкаат низ обемните широчини на јужно балканските традиции на импровизирана и ритуална музика контемплирајки ги хоризонтите на современиот џез, креативната слободна импровизација, психоделичните импресии на афричките ритмички јазици и бучавата на индустрискиот метеж пресликани преку призмата на авангардниот израз.
Своите искуства засега ги имаат испишано на два долгосвиречки албуми (Rural – 2020 ) и (Soilwork – 2021) и двата издадени за независниот лејбл PMGJazz и еден видео албум (The Yadro Concert).
Нивните настапи наликуваат на долги импровизирани off road возења полни со ненадејни угорници, спустови и свиоци проследени брзински дивеења низ калливата почва на планинските патшта фузирани со мирно крстарење низ питоми висорамнински пространства нудејќи искуство со надреални пејзажи, медитативна меланхолија и спокој.
Cobalt Code Unit се:
Благојче Томевски – Кларинет
Стефан Миладинов – Гитара
Симеон Ангеловски – Бас и хармоника
Драган Теодосиев – Тапани