Диџеј, радио-водител, промотер, издавач, музички критичар… Костадин Шурбановски – Шурбе е вистински познавач на музичката уметност во речиси сите нејзини форми, стилови и нијанси. Со над 20-годишно искуство, тој е еден од најзначајните, најконстантните и најпродуктивните актери на домашната музичка сцена и неодминлива алка во синџирот на непрекинатото тежнение кон квалитетното освојување на урбаниот простор. Негува еклектичен диџејски пристап, често менувајќи ги музичките обрасци во текот на своите сетови: од indie, pure pop, punk rock и electro-pop, преку фанк, соул, хип-хоп, диско, nu jazz и electro-swing, па сè до традиционалните но и современи world music варијации, главно од Бразил и Африка. Го делел подиумот со: LTJ Bukem, Ian Pooley, Little Louie Vega, Gilles Peterson, Jazzanova, Koop, Dzihan & Kamien и многу други.